Alltaf nóg að gera :)

Jæja, þá er vetrarfríið búið...ekki það að þetta hafi verið mikið frí fyrst að ég var að vinna soldið mikið :P

Ég náði samt að dunda mér við að búa mér til lítið saumaherbergi svo ég gæti kannski saumað án þess að taka alla borðstofuna undir allar saumavélarnar og allt draslið sem fylgir þessu...það er auðvitað langbest að hafa allt dótið á einum stað :)

Þarna er flotta saumaborðið mitt og gínan mín :)

Og svo er overlockvélin með annað borð, sem breytist síðan í naglaborð þegar þess þarf

Auðvitað er ég að byrja á allskonar verkefnum í skólanum eins og venjulega :)

Ég er að byrja í fatasaum í skólanum núna. Ég hlakka rosa til að fara að gera kjól á mig :) það er langt síðan ég hef verið að gera svoleiðis í skóla...

Við byrjuðum svo að gera harðangur og klaustur í dag líka og það gengur bara ágætlega. Ég var alltaf mjög spennt að byrja á þessu af því að mér finnst svona alveg ótrúlega fallegt :)

Þarna er byrjunin. Þetta eiga að enda sem hjörtu þegar ég er komin lengra. Hinsvegar er ég alveg búin með faldinn. Þetta kallast gatafaldur og ég var soldið smeyk að byrja á því fyrst að stelpurnar sem voru að gera þetta fyrir vetrarfrí voru að bölva þessu svo svakalega að ég hélt að þetta væri eitthvað viðbjóðslega mikið mál...en svo reyndist ekki. Þetta var bara alveg mjög einfalt og fljótgert. En kannski er ég bara svona klár ;)

Ég byrjaði á öðru prjónaverkefni um helgina. Bara svona aukaverkefni samt. Ég er ekki komin neitt mjög langt, en hérna er samt mynd...

Kjóllinn á að líta svona út, eins og á myndinni þarna, og eins og sést er ég aðeins byrjuð á pilsinu og þetta gengur bara nokkuð vel. Ég er alveg búin að ná mynstrinu, þótt að það tók smá tíma að fatta það alveg 100% Ég er alveg mjög spennt að sjá hvort þetta verði ekki geðveikt flott hjá mér :)

Smá blanda af öllu :)

Ég er ekki alveg búin að vera nógu dugleg að setja inn myndir, en ég bara bæti það upp núna :)

Foreldraboðið var auðvitað um daginn og það var mjög vel heppnað (að mínu mati allavega) við elduðum alveg þvílíkt magn af mat fyrir kvöldið...kalkúnabringur, bayonnesskinka, roast beef, síld, fiskihlaup, sjávarréttarsalat og margt margt fleira :)
Svo í eftirrétt voru ýmsar kökur, m.a. kransakaka :) hún var alveg svakalega flott og alveg nokkuð góð. Ég man ekki eftir að hafa fengið kransaköku áður, en þar sem ég er ekkert mjög hrifin af marsipani finnst mér ekki eins og ég hafi verið að missa af neitt miklu...
Ég tók eiginlega engar myndir í boðinu, heldur bara hópmynd af okkur stelpunum

Við erum alveg geggjað flottur hópur :D og geðveikt girnilegur matur

Svo var ég að tala um hvað ég var sár að geta ekki ofið barnateppi sem er mjög svipað og bleika tíglateppið, nema bara með minni tíglum. En við vorum tvær stelpur sem vildum báðar gera það og við spurðum kennarann hvort við máttum ekki taka síðustu helgi í að gera þetta teppi og svo bara setja nýja uppistöðu í stólinn strax á mánudaginn. Og það var bara ekkert mál. Ég fór sem sagt uppí skóla snemma síðasta sunnudag og eyddi tæpum fimm tímum þar að klára teppið. Og ég er alveg ótrúlega ánægð með bæði teppið og sjálfa mig :P

Ég ætlaði alltaf að hafa það blátt, en fyrst að ég var búin að gera annað teppi blátt, gat ég eiginlega ekki gert það. En ég fann ofboðslega flottan túrkís lit sem ég notaði bara í staðin :)

Svo er ég á fullu að gera skírnarkjól núna. Ég ætla að hafa tjullkjól og verð með útsaum í tjullinu á pilsinu. Ég var heillengi í gær að staðsetja munstrið rétt á tjullið og byrja að sauma það.

Þetta er munstrið. Ég ákvað að gera mit eigið af því að ég var ekki hrifin af þeim sem voru til uppí skóla. Þetta munstur var upphaflega þannig að það átti að koma rosalega hátt uppí pilsið í miðjunni að framan en mér finnst það asnalegt af því að pilsið er rykkt í mittinu, og ef útsaumurinn nær langt upp, fær saumurinn ekkert að njóta sín almennilega. Blómin voru líka rósir, en mér fannst skrítið að hafa rósir á skírnarkjól þannig að ég breytti þeim í túlipana. Svona fyrst að ég er svo hrifin af túlipönum :)

Og þarna sést hvað ég þurfti mikið að títa tjullið á blaðið og svo...

...þræða í kringum allt munstrið. Þetta pirraði mig mikið meira en sjálfur útsaumurinn. Væntanlega fyrst að ég veit að þetta verður hvort sem er tekið út þegar ég er búin að sauma út í tjullið...en ég kláraði og þetta er allt að koma :)

Og svo fyrst að ég get ekki tekið mynd af sjálfri mér að sauma, verðiði bara að ímynda ykkur að sjá mig inní eldhúsi með tvo metra af tjulli og slatta af sníðapappír í fanginu að nota stækkunarglerlampann sem er til hérna. Ég lít pottþétt út eins og einhver algjör kjáni :P

Ekkert nema endar...

Þá er ég loksins búin að ganga frá öllum endum í öllum teppum sem ég hef ofið...og þeir voru bara ekkert smá margir. Ég er komin með krampa í hendurnar út af þessu öllu :P

Þarna sjáiði alla endana. Værðarvoðið (sem er neðst) er með 402 spotta, báðumegin, sem þarf að snúa saman á sérstakan hátt til að koma í veg fyrir að það rakni allt upp...hin teppin eru ekki með jafn marga (sem ég er alveg óendanlega þakklát fyrir) 

En þetta er búið og ég er bara mjög ánægð með alltsaman.

Ég tók líka myndir af því sem ég hef ekki ennþá náð að taka myndir af...

Værðarvoðið fallega...

Og strákateppið mitt...

Ef þið horfið rosalega vel sést smá blær af bleikum, hvítum, off white og ljósbláum í uppistöðunni. Þetta er alveg virkilega óljóst nema ef maður annaðhvort veit af þessu, eða er að skoða þetta virkilega vandlega...ég tók eina aðra mynd aðeins nær til að reyna að sýna þetta betur...

Þetta sést aðallega á endunum (þessir snúnu) að það eru nokkrir litir í uppistöðunni, en þetta sést að sjálfsögðu langbest ef maður fær að sjá þetta með berum augum :) 

Undirbúningur

Það styttist alveg svakalega í þetta foreldraboð. Ekki á morgun, heldur hinn. Það er eitthvað svo bugandi við að vita hvað ég á eftir að gera mikið sem á að vera til sýnis.

Ég er búin að vera að prjóna og prjóna á milljón síðustu daga, en samt kemst ég ekkert áfram með þessa blessuðu lopapeysu :( og svo þarf að ganga frá öllum endum á teppunum sem ég hef verið að vefa og það er ótrúlega tímafrekt.

Og ég á líka eftir að þvo slatta svo það verði extra fallegt fyrir foreldraboðið.

Verst að foreldrar mínir komast ekki til að sjá þetta allt...

Vöggusett

Þá er ég loksins loksins LOKSINS búin með vöggusettið. Ég á reyndar eftir að brjóta það fallega saman, en það er ennþá pínu rakt þannig að það verður aðeins að bíða :P
Ég mátti ekki vera seinna að setja það í þvott af því að ég á að skila því á eftir...

Og myndir :)

Þarna er koddaverið aftur. Ennþá jafn fallegt og síðast :P (ég er ekkert montin eða neitt... :P )

Þarna er sængurverið. Það sést munstrið og textinn saman, þótt að það er eiginlega ekki hægt að lesa textann. Það sést líka lekið undir munstrinu, og þótt að mér fannst það voðalega gamaldags fyrst, finnst mér núna að þetta bindi allt sængurverið saman. Það væri einhvernveginn skrítið ef það væri ekki eitthvað til að afmarka efsta hlutann sem myndin á að vera saumuð í.

Og svo er ég með eina nærmynd af textanum. Þetta er auðvitað ekkert smá ljós litur þannig að það er soldið erfitt að ná góðri mynd sem er hægt að lesa textann af, en það stendur "Goodnight my angel, it's time to close your eyes" sem er þýtt að íslensku sem "Góða nótt engillinn minn, það er kominn tími til að loka augunum" mér finnst reyndar þýðingin mín ekkert falleg, en það er alveg pottþétt hægt að segja þetta á einhvern betri hátt. Þetta er setning úr lagi eftir Billy Joel sem mér finnst voðalega fallegt :)

Ef einhver vill hlusta á lagið, þá er þetta linkur á það á youtube: Lullaby

Enn fleiri verkefni

Þá er ég byrjuð að sauma út í vöggusett. Ég kláraði koddaverið í gær og ég er bara alveg ótrúlega ánægð með það

Og svo ein nærmynd

Og svo þarf ég eiginlega að sýna rönguna af því að ég er svo stolt af því :)

Það er bara alveg eins og framhliðin :) svona eins og þetta á að vera :)

Ég er líka búin að vera að fá næstumþví allt sem ég hef ofið tilbaka og þarf að undirbúa þetta alltsaman fyrir foreldraboðið. Ganga frá endunum og þvo þetta og eitthvað. En hérna eru myndir...

Barnateppið er komið. Ég er að vona að ég komist í annan vefstól með næstumþví alveg eins munstri, nema þá eru tíglarnir aðeins minni bara, og hafa það blátt. Maður verður að vera undirbúin fyrir allt :P

Rósabandið er líka alveg komið. Ég hef samt ekki hugmynd um hvað ég á að gera við þetta...

Ég er líka búin að klára barnasokkana og vettlingana sem eru í stíl við húfuna sem ég prjónaði um daginn.

Það sést ekki vel á myndinni en það er svona lítil snúra fyrir ofan stroffið á vettlingunum og ég ætla að fá smá garn hjá einni stelpunni í bekknum sem er dökk fjólublátt og nota það í vettlingana svo þetta falli ekki svona inní og verði aðeins flottara :) Og hún fær garn frá mér í staðin

Saumasteinninn

Það hefur líklega ekkert farið framhjá mörgum að þetta saumasteinsverkefni er ekki eitthvað sem ég var spennt fyrir eða fannst skemmtilegt að gera...en ég kláraði hann loksins. Það á einmitt að skila honum á mánudaginn og ég var bara lengur í skólanum í dag með nokkrum öðrum að sauma þetta.

Og þetta er afraksturinn:

*drumroll*

Og önnur mynd...

Og ein í viðbót, af því að ég er svo stolt að vera búin með hann :)

Þetta er klárlega flottasti saumasteinninn sem ég hef á ævinni séð :P
En ég er bara nokkuð sátt við útkomuna :)